برنامج إدارة العملاء CRM للمتاجر الإلكترونية

ملف بيتعمل مع أول أوردر

الأوردر لما يدخل برقم تليفون العميل، ربحني بيعمل له ملف أو يحدّث ملفه الموجود. وكل تغيير في حالة الأوردر بعد كده بيحدّث الملف من غير ما حد يدخل بيانات.

عدّادات العميل

الملف فيه عدد الأوردرات، إجمالي الإنفاق، متوسط قيمة الأوردر، نسبة المرتجعات، وتاريخ آخر أوردر. الحساب بيتم من أوردرات حسابك إنت بس.

تاريخ الشراء على صفحة الأوردر

صفحة الأوردر بتجمع أوردرات نفس الرقم: كام اتسلّم، كام فشل، كام رجع، كام اتلغى، ونسبة الفشل، وآخر الأوردرات، واللي لسه مفتوح منها. وبتدي مستوى خطورة، فلو العميل فشل له 3 أوردرات بيطلع «حرج».

بحث وفلترة

دوّر بالاسم أو التليفون، وفلتر بالشريحة، أو بالعملاء المتعلّم عليهم إنهم مشكلة، أو بتاريخ آخر أوردر.

خمس شرائح تلقائية

الأبطال، المخلصين، الجداد، المعرّضين للخسارة، والمفقودين. العميل اللي عدّى عليه حوالي 3 شهور من غير أوردر بيدخل «المفقودين». وتغيير الشريحة في الحساب اليومي بيتسجل بتاريخه.

درجة صحة العميل

درجة من 0 لـ 100 بتتحسب كل يوم: حداثة الأوردر 30%، التكرار 20%، الإنفاق 20%، انتظام الشراء 15%، والمرتجعات بتخصم لحد 15%. من 70 فأكتر سليم، ومن 40 لـ 69 تنبيه، وتحت 40 حرج.

شرايح بشروطك إنت

ركّب شروط على عدد الأوردرات، الإنفاق، متوسط الأوردر، المرتجعات، أيام من آخر أوردر، الشريحة أو درجة الصحة. لازم كل الشروط تتحقق، والعدد بيتحدث كل يوم أو لما تطلبه.

مشاكل الشحن بتوصل لملف العميل

لما شحنة تتسجل كنزاع شحنة وهمية، العميل بيتعلّم عليه إنه مشكلة وبياخد تاج، ودرجة صحته بتنزل 15 لحد الحساب اليومي الجاي.

مكالمات وملاحظات ومتابعات

الموظف بيسجل مكالمة أو ملاحظة أو متابعة على العميل بموضوعها وتفاصيلها، ويحدد تاريخ المتابعة الجاية. الموظف بيشوف سجله هو على صفحة العميل، وصاحب الحساب بيشوف الكل.

المتابعات اللي عليها الدور

داشبورد العملاء بيعرض المتابعات اللي ميعادها جه أو فات باسم العميل وتليفونه والموظف، وتقفلها بزرار لما تخلص.

رسالة لعميل واحد

من ملف العميل تبعت رسالة نص على واتساب لو حسابك مربوط بـ WATI، أو إيميل لو عنوانه موجود. كل محاولة بتتسجل في سجل التواصل وهل اتبعتت ولا لأ. واتساب من باقة النمو.

داشبورد وتقرير للعملاء

الداشبورد بيوزّع عملاءك على الشرائح ودرجات الصحة. والتقرير بفترة 7 أو 30 أو 90 يوم أو مدة تختارها بيقولك كام عميل جديد، وكام دخل «المفقودين»، ونسبة اللي رجعوا منهم.

مفيش أتمتة بتبعت رسايل للعميل من وحدة العملاء. شاشة قواعد الأتمتة بتحفظ الشروط بس، ومفيش فيها مكان تحدد فيه الإجراء.

شاشات الحملات التسويقية واسترجاع العملاء مش بتبعت رسايل. حملة الاسترجاع بتعدّ العملاء المستهدفين بس.

رسالة واتساب من الملف شغالة مع WATI بس. لو حسابك على Meta Cloud API الإرسال هيفشل، لأن النص الحر مش مسموح من غير قالب معتمد.

مفيش رسايل SMS كقناة تقدر تضبطها لمتجرك: مفيش إعداد مزوّد SMS عند التاجر.

نقاط الولاء مش بتتحسب من الأوردرات. تقدر تجهّز مستويات الولاء، بس مفيش حاجة بتضيف النقاط لوحدها.

الشرايح اللي بشروطك بتوريك العدد، مش قايمة العملاء نفسهم.

كل رقم تليفون ملف لوحده، ومفيش شاشة تدمج ملفين لنفس العميل برقمين مختلفين.

قايمة الأوردرات جوه ملف العميل بتظهر لما الملف يكون مربوط بحساب عميل. عميل الدفع عند الاستلام من غير حساب تاريخه بيبان من صفحة الأوردر.

الإنفاق في الملف رقم للتقسيم مش للحسابات: ممكن يشمل أوردرات لسه ماتسلمتش. الأرقام المالية مكانها تقارير الأرباح.

برنامج ادارة العملاء crm بيقسّم العملاء لوحده؟

أيوة. ربحني بيحط كل عميل في شريحة من خمسة: الأبطال، المخلصين، الجداد، المعرّضين للخسارة، والمفقودين، حسب حداثة آخر أوردر وعدد الأوردرات والإنفاق. الشريحة بتتحدث مع كل أوردر وفي حساب يومي. وتقدر تعمل شرايح بشروطك وتشوف عددها.

أقدر أشوف تاريخ شراء العميل؟

أيوة. صفحة الأوردر في ربحني بتجمع أوردرات نفس رقم التليفون جوه حسابك: كام اتسلّم، كام فشل، كام رجع، كام اتلغى، ونسبة الفشل وآخر الأوردرات. وملف العميل فيه العدد والإنفاق ومتوسط الأوردر والمرتجعات. قايمة الأوردرات جوه الملف محتاجة ملف مربوط بحساب عميل.

البرنامج فيه أتمتة للعملاء؟

جزئيًا. ربحني بيعمل الملفات لوحده، وبيعيد حساب الشرايح ودرجة الصحة كل يوم، وبيعلّم على العميل لما يدخل في نزاع شحنة وهمية. لكن مفيش أتمتة بتبعت رسايل من وحدة العملاء، وشاشة القواعد بتحفظ الشروط بس من غير إجراءات.

أقدر أبعت واتساب للعميل من البرنامج؟

رسالة لعميل واحد من ملفه، لو حسابك مربوط بـ WATI وعلى باقة النمو أو أعلى. لو حسابك على Meta Cloud API الإرسال من الملف هيفشل لأنه نص حر. والمحاولة بتتسجل في كل الحالات. وشاشة الحملات في وحدة العملاء مش بتبعت رسايل جماعية.

البرنامج بيبعت SMS للعملاء؟

لأ، مش كقناة تقدر تضبطها لمتجرك. مفيش عند التاجر إعداد لمزوّد SMS، فمتعتمدش عليها. القنوات المتاحة من ملف العميل هي واتساب عن طريق WATI والإيميل.

درجة صحة العميل بتتحسب إزاي؟

في ربحني الدرجة من 0 لـ 100 وبتتحسب كل يوم: حداثة آخر أوردر 30%، التكرار 20%، الإنفاق 20%، انتظام الشراء 15%، والمرتجعات بتخصم لحد 15%. من 70 فأكتر سليم، ومن 40 لـ 69 تنبيه، وتحت 40 حرج.

البرنامج فيه نقاط ولاء للعملاء؟

مش كبرنامج شغال لوحده. ربحني فيه شاشة لمستويات الولاء، بس الأوردرات مش بتضيف نقاط للعميل. لو الولاء أساسي عندك، متعتمدش على الوحدة دي دلوقتي.

إدارة العملاء متاحة في أنهي باقة؟

شاشات العملاء في ربحني مش مربوطة بميزة باقة، والوصول ليها بصلاحيات الدور عند الموظف. اللي بيعتمد على الباقة هو واتساب، ومتاح من باقة النمو. وحد شركة شحن واحدة ومتجر واحد في باقة البداية بيأثر على الأوردرات اللي داخلة، مش على الشاشات.