عميل بيسأل على أوردره
تطبيق واتساب بيزنسالموظف يدور في شيت أو يسأل زميله
ربحنيالأوردر والشحنة جنب الشات
برنامج واتساب API للمتاجر: محادثات العملاء جنب أوردراتهم
لما عميل يسأل «أوردري فين؟»، موظفك يرد من مكانه. الأوردر والشحنة قدامه، وكل محادثة رايحة للقسم الصح، ولو حد اتأخر في الرد بتعرف.
من باقة النمو: 2,999 جنيه في الشهر · 14 يوم تجربة بعد التفعيل · تكلفة الرسايل منفصلة
دوس على أي محادثة وشوف الموظف بيشوف إيه
مثال توضيحي · مش بيانات عميلالإنبوكس · الأحمر فوق
منىعميلة قديمةجت من: رد على رسالة أوردر
رد تلقائي اتبعت في مواعيد الشغل
السلام عليكم، أوردري فين؟
أهلًا يا منى، أوردرك مع بوسطة وطالع للتوصيل النهاردة.
اكتب رد، أو ملف، أو فويس
الأوردر الحالي
#4821مع شركة الشحن
- فستان صيفي · أزرق · M × 1
- المعادي، القاهرة
الإجمالي 890 جنيه
الشحنة
بوسطة 73920514
- خرجت مع المندوب
- وصلت مخزن شركة الشحن
- اتسلمت من المتجر
أوردرات قديمة · 2
- #4102 · اتسلم · 640 جنيه
- #3877 · اتسلم · 1,120 جنيه
أحمدعميل قديمجت من: الموقع
عايز أغير المقاس لـXL لو لسه ماتشحنش
سارة مسكت المحادثة · قسم التأكيد
اكتب رد، أو ملف، أو فويس
الأوردر الحالي
#4830لسه ماتأكدش
- تيشيرت قطن · أسود · L × 2
- سموحة، الإسكندرية
الإجمالي 780 جنيه
الشحنة
- لسه ماتشحنش، فالتعديل ممكن
أوردرات قديمة · 1
- #4410 · اتسلم · 520 جنيه
عميل جديدأول مرة يكلمكجت من: إعلان
السعر كام؟ وبتوصلوا طنطا؟
فاتت ساعة من غير رد · وصل تنبيه للمشرف
اكتب رد، أو ملف، أو فويس
مفيش أوردر على الرقم ده
- المحادثة في قسم الموديريتور لحد ما يبقى فيه أوردر.
لو لسه بترد من التطبيق
واتساب بيزنس على الموبايل ولا واتساب API في ربحني؟
كذا موظف على نفس الرقم
تطبيق واتساب بيزنسمفيش توزيع للمحادثات على الموظفين
ربحنيأقسام: التأكيد والشحن والموديريتور
محادثة اتنسيت
تطبيق واتساب بيزنسمحدش بيعرف إلا لما العميل يزعل
ربحنيأصفر بعد 15 دقيقة، وأحمر بعد ساعة
موظف مسك محادثة ومردش
تطبيق واتساب بيزنسبتفضل معاه
ربحنيترجع للقسم بعد 15 دقيقة خلال مواعيد الشغل
عميل عايز يطلب من الشات
تطبيق واتساب بيزنسالأوردر بيتكتب في مكان تاني
ربحنيزرار «+ أوردر» بالاسم والرقم من المحادثة
عرض لعملائك
تطبيق واتساب بيزنسقايمة بث بتوصل للي حافظ رقمك بس
ربحنيحملة برسالة معتمدة للي عليهم موافقة مسجلة
ربحني مش بيشتغل بمسح QR. الأدوات اللي بتبعت بمسح QR مش API رسمي من ميتا، وممكن تعرّض رقمك للحظر.
إيه هو برنامج واتساب للمتاجر؟
برنامج واتساب للمتاجر في ربحني هو إنبوكس مشترك لفريقك على WhatsApp Cloud API الرسمي من ميتا، ومربوط بأوردرات متجرك. جنب كل محادثة الموظف بيشوف أوردرات العميل وشحنته وحالتها، وبيقدر يعمل أوردر من الشات. وفيه كمان حملات لمشتركي العروض، وفلوهات رد بقواعد، ورد تلقائي. الواتساب من باقة النمو وطالع.
محادثة واتساب جنب الأوردر
عمود الأوردر جوه الإنبوكس بيظهر للموظف اللي عنده صلاحية عرض الأوردرات، ومن رقم العميل بيجيب أوردرات متجرك إنت بس.
الأوردر جوه المحادثة
رقم الأوردر، وحالته، والمنتجات بالكمية والمقاس أو اللون، والعنوان، والإجمالي. لو الأوردر اتربط بالشات من تأكيد واتساب هو اللي بيظهر الأول، وإلا الأحدث على رقم العميل بأي شكل اتكتب بيه.
أوردرات العميل القديمة ومصدره
تحت الأوردر الحالي لحد 5 أوردرات قديمة بحالتها وقيمتها. وشريط فوق الشات بيقول العميل جديد ولا قديم، والمحادثة جت منين: الموقع، إعلان، رد على رسالة أوردر، إنستجرام أو فيسبوك.
الشحنة من غير ما تسيب الشات
شركة الشحن، ورقم الشحنة، وآخر 6 خطوات اتسجلت على الأوردر من شركة الشحن. ده من اللي متسجل عندنا مش استعلام لحظي، وللشحنات مع بوسطة فيه لينك لصفحة التتبع بتاعتهم.
أوردر من شات واتساب
زرار «+ أوردر» بيفتح الفورم بالاسم والرقم من المحادثة، والعنوان لو العميل كتبه بوضوح أو بعت لوكيشن باسم المكان. المصدر بيتقفل على واتساب، والأوردر بينزل مستني مراجعة ومكالمة من فريق التأكيد، ومفيش رسالة بتتبعت للعميل. الزرار محتاج صلاحية إنشاء أوردر.
إنبوكس واتساب لفريقك
جدول آخر اليوم لكل موظفمثال توضيحي
| الموظف | القسم | ردّ على | متوسط أول رد | فتحها ومردش |
|---|---|---|---|---|
| سارة | التأكيد | 64 محادثة | 6 دقايق | 0 |
| محمود | الشحن | 41 محادثة | 11 دقيقة | 2 |
| نورهان | الموديريتور | 27 محادثة | 19 دقيقة | 5 |
كل محادثة تروح للفريق المناسب حسب حالة الأوردر
التأكيد لو فيه أوردر لسه ماتأكدش، والشحن لو أوردر متأكد أو مع شركة الشحن، والموديريتور لو مفيش أوردر مفتوح. القسم بيتحدّث مع كل رسالة ومع تغيّر حالة الأوردر.
مين في أنهي قسم
بتحدد كل موظف في أنهي قسم ومين مشرف. الموظف بيشوف أقسامه، والمشرف بيشوف الكل، والتحويل اليدوي بيكسب لحد ما حالة الأوردر تتغير. ولو مفيش حد من القسم ولا مشرف فاتح ربحني، تنبيهاته بتوصل لكل اللي معاهم الإنبوكس.
عدّاد على كل محادثة مستنية رد
أصفر بعد 15 دقيقة، وأحمر بعد ساعة، والأحمر بيطلع فوق القايمة. ولما يفضل 4 ساعات على قفل نافذة الـ24 ساعة بيظهر تحذير.
لو الموظف مسك الشات ومردش، ترجع للقسم
الموظف بيمسك المحادثة بزرار. لو مردش في 15 دقيقة خلال مواعيد الشغل بترجع للقسم، وده بيتكتب في الشات كسطر للفريق، والمشرف بيوصله تنبيه.
شاشة المشرف
تنبيهات المحادثات اللي عدّت ساعة أو قربت تقفل، وجدول آخر اليوم لكل موظف: ردّ على كام، ومتوسط أول رد، وكام فتحها ومردش. في ساعات الهدوء بتاعتك التنبيهات بتقف والعدّاد بيكمّل.
الرد من جوه الشات
نص، أو ملف، أو فويس بتسجله أو من مكتبة فويسات جاهزة، أو رسالة معتمدة من ميتا. مدير الإنبوكس بيعيّن المحادثات ويقفلها ويحط تاجات، وكل موظف بيوصله تنبيه بصوت وإشعار متصفح.
حملات واتساب للي وافقوا
الحملات وتحليلات واتساب من باقة النمو وطالع، والإرسال محتاج صلاحية إدارة الإنبوكس.
فحص الحملة قبل الإرسالمثال توضيحي
عملاؤك المسجلين4,200
شال اللي من غير موافقة مسجلة− 1,020
هتوصلهم الحملة3,180
الرصيد مايكفيش الجمهور كله؟الحملة مش بتبدأ
حملة برسالة معتمدة
بتختار رسالة تسويقية معتمدة من ميتا والجمهور، وتبعت دلوقتي أو في ميعاد. لو رصيد المحفظة مايكفيش الجمهور كله الحملة مش بتبدأ، وبعد الإرسال بتتابع التسليم والقراية.
بتوصل للي وافق بس
الجمهور عملاؤك المسجلين أو المسوقين، والنظام بيشيل أي رقم مفيش عليه موافقة مسجلة. الفورم بيوريك العدد الكلي وعدد اللي هتوصلهم قبل الإرسال.
الاشتراك والوقف بكلمة
العميل بيشترك بجملة زي «عايزة أشترك في العروض» وبيوقف العروض بـ«بطّل العروض». وكلمات زي stop أو unsubscribe بتوقف الرسايل التسويقية للرقم ده. كل تغيير بيتسجّل بدليله، وفيه شاشة للمشتركين بتصدير.
ادعي عملاءك القدام يشتركوا في العروض
دعوة على موجات للي عندهم أوردر اتسلم في آخر 3 أو 6 أو 12 شهر، مرة واحدة لكل رقم، من غير اللي رفض أو وقف. بتقف لوحدها لو جودة رقمك نزلت عن الأخضر أو نسبة الحظر عدّت 1%. ورسالتها لازم تكون معتمدة على رقمك.
فلوهات ورد تلقائي على واتساب
الفلوهات والرد التلقائي متاحين لأي رقم متوصل. السلال المتروكة ومتابعة ما بعد التسليم لسه تجريبي على حسابات محددة.
فلو بقواعدمثال توضيحي
- البدايةكلمة «الأسعار»
- رسالة بزراير«عايز تعرف إيه؟»
- الزرار«المقاسات» أو «أكلم حد»
- النهايةتحويل لموظف
ردود وخطوات بشروط إنت بتحددها
بيبدأ بكلمة مفتاحية، أو أول رسالة من عميل جديد، أو أي رسالة، أو تغيّر حالة الأوردر، أو يدوي. خطواته رسالة وزراير وسؤال وشرط وتأكيد أوردر وطلب إلغاء وتحويل لموظف. وفيه قوالب جاهزة، وفحص قبل النشر، وتجربة على رقم. وخطوة تأكيد الأوردر بتشتغل جوه فلو إنت بانيه، وده غير التأكيد الأوتوماتيك التجريبي.
رد تلقائي
رد واحد على أول رسالة في المحادثة: نص لمواعيد الشغل ونص لبعدها، بتكتبهم وتحدد المواعيد. الرد شغال من الأول بنص جاهز، فعدّله أو اقفله قبل ما تبدأ.
السلال المتروكة (تجريبي، شوبيفاي بس)
لو اتفعّلت على حساب تجريبي: رسالة معتمدة وتذكير للي ساب السلة في متجر شوبيفاي، إلا لو طلب الوقف أو اشترى لوحده. ومعاها قايمة مكالمات لفريق المبيعات، وبيانات اللي ماشتروش بتتشال بعد 60 يوم.
متابعة بعد التوصيل (تجريبي)
في الحسابات التجريبية: رسالة تاخد رأي العميل بعد التسليم، ورسالة تسأل عن سبب المرتجع، ورسالة لما المندوب مايعرفش يوصل للعميل. كل واحدة بمفتاح لوحدها.
ربط واتساب API والرسايل المعتمدة والتكلفة
الربط من شاشة ميتا
بتربط رقمك من شاشة Embedded Signup بتاعة ميتا من غير توكن ولا ويب هوك يدوي، ولو حسابك عليه أكتر من رقم بتختار. الرقم ماينفعش يتربط بمتجرين، وقطع الربط بيسيب المحادثات زي ما هي.
قايمة جاهزية وجودة الرقم
شاشة الربط بتقولك لو فيه حاجة واقفة زي رصيد المحفظة أو الرسايل المعتمدة، وبتعرض جودة الرقم والاسم المعتمد من ميتا.
رسايل معتمدة من ميتا
الرسايل بتتعتمد عند ميتا على حسابك، وربحني بيزامن قايمتها كل 15 دقيقة أو بزرار. وبعد 24 ساعة من آخر رسالة من العميل، النظام بيرفض النص والملفات وبيقبل الرسالة المعتمدة بس.
تكلفة واتساب: اشتراك ربحني، ورسوم المحفظة، ورسوم ميتا
كل إرسال بيتخصم من محفظة ربحني: 0.30 جنيه للرسايل الحرة مرة في نافذة الـ24 ساعة، و0.40 جنيه للرسالة المعتمدة الخدمية، و0.60 جنيه للتسويقية، واللي ميتا ترفضها خصمها بيرجع. وتكلفة ميتا منفصلة بالدولار، وصاحب الحساب هو اللي بيدفعها لميتا.
التكلفة
هتدفع إيه بالظبط؟
لربحني كل شهر2,999 جنيه
باقة النمو: 3,000 أوردر و10 موظفين. من غير رسوم تفعيل ولا عقد.
لكل إرسال، من محفظة ربحنيمن 0.30 جنيه
الرسايل الحرة 0.30 جنيه مرة في نافذة الـ24 ساعة. الرسالة المعتمدة الخدمية 0.40 جنيه، والتسويقية 0.60 جنيه لكل رسالة. اللي ميتا ترفضها خصمها بيرجع.
لميتا مباشرةبالدولار، حسب أسعار ميتا
الرسالة التسويقية في مصر حوالي 3.85 جنيه بالضريبة كتقدير، والرقم بيتغير مع الدولار وأسعار ميتا. ورسايل خدمة العملاء عليها رسوم بعد أول 1,000 في الشهر لكل رقم. بتدفعها لميتا على حسابك، ومش بتعدّي على المحفظة.
احسبها على شغلك
واتساب هيكلفك كام في الشهر؟
اكتب تقديرك للشهر. رسوم ربحني ثابتة بالجنيه. تقدير ميتا بيتغير مع الدولار وأسعارها، ومش شامل غير الرسايل التسويقية.
باقة النمو2,999 جنيه
محفظة ربحني620 جنيه
الإجمالي لربحني3,619 جنيه
لميتا: تقدير الرسايل التسويقية بسحوالي 770 جنيه
هل ربحني مناسب لفريقك؟
مناسب لو
- كذا موظف بيردوا على نفس الرقم
- عملاءك بيسألوا على أوردراتهم وشحناتهم
- بتبيع بالدفع عند الاستلام ومحتاج الأوردر جنب الشات
- عايز تعرف مين اتأخر في الرد
مش مناسب لو
- محتاج إنبوكس لإنستجرام وماسنجر كمان
- عايز ردود بتتولّد بالذكاء الاصطناعي
- عايز تبعت لأرقام مفيش عليها موافقة
- عندك أكتر من رقم نشط على نفس الحساب
إيه اللي هيحصل بعد طلب الدخول؟
- 1
تبعت بيانات متجرك
وأكبر مشكلة بتواجهك.
- 2
بنراجع ونفتح الحساب
بنرد عليك خلال 48 ساعة.
- 3
تربط رقمك
من شاشة ميتا، وقايمة الجاهزية بتقولك لو حاجة واقفة.
- 4
تضيف فريقك وتبدأ
تحدد كل موظف في أنهي قسم، وتشحن المحفظة.
حدود واتساب حاليًا: إيه اللي لسه مش متاح أو تجريبي؟
- واتساب بس: مفيش إنبوكس لماسنجر ولا إنستجرام ولا تليجرام. إنستجرام وفيسبوك بيظهروا كمصدر للمحادثة بس.
- مفيش ردود بتتولّد لوحدها في الشات. الرد التلقائي والفلوهات بيبعتوا النص اللي إنت كتبته وبس.
- مفيش تذكرة دعم من الشات. التذاكر وحدة منفصلة وسجل التواصل عليها بيتكتب بإيد الموظف.
- التأكيد الأوتوماتيك، والسلال المتروكة، ومتابعة ما بعد التوصيل، وسؤال الاشتراك بعد التأكيد، وتحويل طلبات إلغاء واتساب لقسم الإنقاذ شغالين على حسابات تجريبية محددة بس. وكذلك الاشتراك من صفحة الدفع في شوبيفاي.
- الفلو بيبعت رسايل حرة بس، فمش بيوصل لعميل مراسلكش في آخر 24 ساعة، حتى لو بدأ بتغيّر حالة الأوردر. وخطوات الصورة والصوت والفيديو والملف بتتبعت كلينك، والفلو مش بيعمل أوردر، والمحفزات الزمنية مش شغالة.
- رقم واتساب واحد نشط لكل حساب.
- مفيش كتابة رسايل معتمدة جوه ربحني. الرسايل التسويقية بتتعمل وتتعتمد عند ميتا على حسابك، وربحني بيعرضها ويبعتها.
- جمهور الحملة نوعين بس: العملاء المسجلين والمسوقين، من غير شرائح مخصصة. اللي طلب من غير حساب مسجل بتوصله الدعوة بس، مش الحملة.
أسئلة شائعة عن واتساب للمتاجر
ينفع أشوف أوردرات العميل وأعمل أوردر من شات واتساب؟
أيوه في ربحني. جنب المحادثة بيظهر الأوردر بحالته ومنتجاته وعنوانه، وشركة الشحن ورقم الشحنة، ولحد 5 أوردرات قديمة. وزرار «+ أوردر» بيفتح الفورم بالاسم والرقم من الشات، والأوردر بينزل لفريق التأكيد مستني مراجعة ومكالمة.
ينفع أكتر من موظف يرد على نفس رقم واتساب؟
أيوه. إنبوكس ربحني مشترك على رقم متجرك: المحادثات بتتوزع على أقسام التأكيد والشحن والموديريتور حسب أوردرات العميل، والموظف بيمسك المحادثة بزرار. لو مردش في 15 دقيقة خلال مواعيد الشغل بترجع للقسم، والمشرف بيوصله تنبيه.
هل ربحني بيستخدم واتساب API الرسمي؟
أيوه. ربحني شغال على WhatsApp Cloud API من ميتا، وبتربط رقمك من شاشة Embedded Signup بتاعة ميتا. مش بيشتغل بمسح QR لواتساب ويب. والواتساب من باقة النمو وطالع.
إزاي أبعت حملة واتساب لعملائي؟
في ربحني بتختار رسالة تسويقية معتمدة من ميتا وجمهور من عملائك المسجلين أو المسوقين، وتبعت دلوقتي أو في ميعاد. الحملة بتوصل بس للأرقام اللي عليها موافقة مسجلة، واللي كتب stop أو unsubscribe مش بتوصله. الحملات من باقة النمو وطالع.
هل فيه شات بوت واتساب في ربحني؟
ربحني فيه فلوهات بقواعد: كلمة مفتاحية أو زرار بيودّي لرد إنت كاتبه أو لتحويل لموظف. مفيش ردود بتتولّد لوحدها. والفلو بيبعت رسايل حرة بس، يعني جوه 24 ساعة من آخر رسالة من العميل.
واتساب API بيتكلف كام في ربحني؟
فيه تكلفتين منفصلتين. ربحني بيخصم من رصيد المحفظة 0.30 جنيه للرسايل الحرة مرة في نافذة الـ24 ساعة، و0.40 جنيه للرسالة المعتمدة الخدمية، و0.60 جنيه للتسويقية. وتكلفة ميتا بيدفعها صاحب الحساب لميتا بالدولار: الرسالة التسويقية في مصر تقديرها حوالي 3.85 جنيه بالضريبة، والرقم بيتغير مع سعر الصرف وأسعار ميتا. ورسايل خدمة العملاء عليها رسوم عند ميتا بعد أول 1,000 في الشهر لكل رقم. لو رصيد المحفظة خلص الإرسال بيقف، واستقبال الرسايل بيكمّل.
هل ربحني بيبعت رسايل للسلال المتروكة على واتساب؟
لسه تجريبي في ربحني على حسابات محددة، ولمتاجر شوبيفاي بس. لما يتفعّل، بيبعت رسالة معتمدة وتذكير، وبيوقف لو العميل طلب الوقف أو اشترى لوحده، ومعاه قايمة مكالمات لفريق المبيعات. برا التجربة بيانات السلة مش بتتخزن أصلًا.
الرد التلقائي على واتساب بيشتغل إزاي؟
في ربحني الرد التلقائي بيتبعت مرة واحدة على أول رسالة في المحادثة: نص لمواعيد الشغل ونص لبعدها، بتكتبهم وتحدد المواعيد. وهو شغال من الأول بنص جاهز، وبيتخصم من المحفظة زي أي رسالة حرة، فعدّله أو اقفله قبل ما تبدأ.
إيه الفرق بين تطبيق واتساب بيزنس وواتساب API؟
التطبيق بتشغّله من موبايلك وأجهزة مربوطة بيه، من غير توزيع محادثات ولا ربط بالأوردرات. وواتساب API بتوصل بيه الرقم ببرنامج زي ربحني، فالفريق بيرد من إنبوكس واحد والأوردر والشحنة جنب المحادثة. والإرسال عليه بيتحسب برسوم.
هل رقمي ممكن يتحظر؟
ربحني شغال على Cloud API الرسمي من ميتا ومش بمسح QR. ده مش ضمان ضد القيود، لأن ميتا بتقيّم جودة الرقم وسلوك الإرسال. عشان كده الحملات بتوصل للي وافق بس، ودعوة العملاء القدام بتقف لوحدها لو الجودة نزلت عن الأخضر أو نسبة الحظر عدّت 1%.
آخر تحديث للصفحة
ابدأ برقمك من شاشة ميتا
سيب بيانات متجرك، وبنرد عليك خلال 48 ساعة.