برنامج إدارة شركات الشحن للمتاجر الإلكترونية
شركة شحن واحدة سهلة. تلاتة بتبقى تلات لوحات وتلات كشوف تسوية وشيت بيوفّق بينهم. هنا بتشغّلهم كلهم من مكان واحد — وبتتابع فلوسك عندهم لحد ما تتحصّل.
| الأوردر | الشركة | الحالة | آخر حركة | التحصيل (ج) |
|---|---|---|---|---|
| #4821 | بوسطة | اتسلّم | من 3 ساعات | 650 |
| #4818 | سبيداف | خرج للتسليم | النهارده 10:05 | 480 |
| #4807 | J&T | واقفة من غير حركة | من 5 أيام | 720 |
| #4799 | J&T | راجعة | امبارح 18:20 | 395 |
إيه هو برنامج إدارة شركات الشحن؟
برنامج بيخليك تشغّل أكتر من شركة شحن من مكان واحد: بيقارنلك التكلفة والتغطية على الأوردر قبل ما تختار، وبيطبع البوليصة، وبيجيب حالة الشحنة من كل شركة على نفس الشاشة، وبيتابع فلوس الدفع عند الاستلام لحد ما تتحصّل. البديل هو إنك تفتح لوحة كل شركة لوحدها وتوفّق بينهم بإيدك في شيت.
| الشركة | التغطية | التكلفة المتوقعة |
|---|---|---|
| بوسطة | مخدومة | 70 |
| سبيداف | مخدومة | 78 |
| J&T | مش مخدومة | - |
قبل ما تشحن
مقارنة على الأوردر نفسه
التكلفة المتوقعة لكل شركة على الأوردر ده بالذات — مش تسعيرة عامة في ملف. فبتختار وانت شايف الفرق، مش بالعادة.
المنطقة مخدومة ولا لأ
النظام بيقرا مناطق تغطية كل شركة وبيقولك قبل ما تشحن. الشحنة اللي بتروح لمنطقة مش مخدومة بترجع بعد أسبوع وبتدفع فيها شحن رايح وجاي على أوردر مرجّعش جنيه.
العنوان على المحافظة الصح
العنوان بيتوفّق على المحافظة الصح، فالتسعيرة والتغطية بيتحسبوا على المكان الحقيقي مش على اللي العميل كتبه بسرعة.
وهي في الطريق
تتبّع من كل الشركات في شاشة واحدة
الحالة بتيجي من الشركة نفسها وبتظهر على الأوردر بتاريخ كل خطوة وتوقيتها — من غير ما تفتح لوحة أي شركة.
الشحنة اللي وقفت بتبان لوحدها
الأوردر اللي مش بيتحرك بيظهر في قايمة لوحده بدل ما تستنى العميل يتصل يسأل. والتعويضات بتتسجّل وتتصدّر عشان تطالب بمستند مش بذاكرة.
الشركة اللي الـAPI بتاعها واقع
لما ربط شركة يقع، ده بيتسجّل ويبان — بدل ما شحنات اليوم تفضل واقفة وانت فاكر إنها ماشية.
| الأوردر | الشركة | بقالها |
|---|---|---|
| #4807 | J&T | 5 أيام |
| #4792 | بوسطة | 3 أيام |
| #4786 | سبيداف | 3 أيام |
فلوسك عند شركة الشحن — الجزء اللي الشيت بيقع فيه
في الدفع عند الاستلام الأوردر بيتقفل عندك وفلوسه لسه بره. المسافة بين «اتباع» و«اتحصّل» هي اللي بتخلي متجر مبيعاته عالية يفضل مخنوق — والرقم ده لازم يكون قدامك، مش محسوب آخر الشهر.
المستحق عند كل شركة، أوردر أوردر
مش إجمالي واحد. بتشوف الأوردرات اللي اتسلّمت وفلوسها لسه محصلتش، وبقالها قد إيه، وعند مين.
| الأوردر | عند | بقاله | المبلغ |
|---|---|---|---|
| #4790 | بوسطة | 4 أيام | 520 |
| #4755 | سبيداف | 9 أيام | 610 |
| #4731 | J&T | 15 يوم | 450 |
كشف التسوية بيتطابق على أوردراتك
الكشف بيجي بمئات السطور شهريًا. المطابقة بتطلّع اللي اتحصّل واللي اتأخر واللي فيه فرق في المبلغ — الفرق في أوردر واحد مبيبانش غير لما حد يوفّق سطر بسطر.
وعشان الشحن يدخل حساب الربح صح: التكلفة بتتحسب رايح وجاي مش برقم موحّد. الأوردر المرتجع بيتكلّف شحن مرتين وبيرجّع صفر إيراد، فمتوسط الشحن على الأوردرات المسلَّمة بس بيدّي رقم متفائل.
احسب صافي ربح أوردر بعد الشحن والمرتجعالشركات المربوطة
السوق المصريمش بنقولك رقم. «عندنا تكامل مكتوب» و«التكامل ده شغّال على حسابك» جملتين مختلفتين، والتانية هي اللي بتفرق معاك — فبنسمّي بدل ما نعدّ.
الشركات الأساسية في السوق المصري موجودة، وغيرهم، وفيه كمان تكاملات لشركات خليجية. التكامل المتاح لحسابك بيتظبط من الإعدادات بمفاتيح بتاخدها من حسابك عند الشركة نفسها، وفريق الدعم بيمشي معاك في الربط.
لسه بتختار شركة شحن؟
الصفحة دي عن تشغيل الشركات مش عن اختيارها. لو انت لسه بتقارن، فيه مقارنة مكتوبة لشركات الشحن في مصر.
أسئلة شائعة عن إدارة الشحن والتحصيل
إيه هو برنامج إدارة شركات الشحن؟
برنامج بيخليك تشغّل أكتر من شركة شحن من مكان واحد: بيقارنلك التكلفة والتغطية على الأوردر قبل ما تختار، وبيطبع البوليصة، وبيجيب حالة الشحنة من كل شركة على نفس الشاشة، وبيتابع فلوس الدفع عند الاستلام لحد ما تتحصّل. البديل هو إنك تفتح لوحة كل شركة لوحدها وتوفّق بينهم بإيدك في شيت.
إيه شركات الشحن اللي ربحني بيربط معاها؟
الشركات الأساسية في السوق المصري موجودة — بوسطة وسبيداف وJ&T إكسبريس وتوربو وشيب بلو وميلرز وغيرهم، وفيه كمان تكاملات لشركات خليجية زي Torod وTryoto وiMile وStarlinks. التكامل المتاح لحسابك بيتظبط من الإعدادات بمفاتيح بتاخدها من حسابك عند الشركة نفسها، وفريق الدعم بيمشي معاك في الربط.
إزاي بختار شركة الشحن المناسبة لكل أوردر؟
النظام بيقارنلك على الأوردر نفسه: التكلفة المتوقعة لكل شركة، وهل المنطقة دي مخدومة عندها ولا لأ. فبتعرف قبل ما تشحن إن العنوان ده مش في تغطية الشركة، بدل ما الشحنة ترجع بعد أسبوع وتدفع شحن رايح وجاي على أوردر مرجّعش فلوس.
إزاي أعرف فلوس الدفع عند الاستلام اللي لسه عند شركة الشحن؟
بتشوف المستحق عند كل شركة أوردر أوردر. في الدفع عند الاستلام الأوردر بيتقفل عندك وفلوسه لسه بره، والمسافة بين «اتباع» و«اتحصّل» هي اللي بتخلي متجر مبيعاته عالية يفضل مخنوق — فالرقم ده لازم يكون قدامك مش محسوب آخر الشهر.
بتطابقوا كشف التسوية اللي بيوصل من شركة الشحن؟
أيوه. الكشف بيتطابق على أوردراتك فبيبان اللي اتحصّل، واللي اتأخر، واللي فيه فرق في المبلغ محتاج مراجعة. ده الجزء اللي بيضيع في الشيت: الكشف بيجي بمئات السطور شهريًا، والفرق في أوردر واحد مبيبانش غير لما حد يقعد يوفّق سطر بسطر.
لو شحنة وقفت أو ضاعت بيحصل إيه؟
الشحنة اللي وقفت بتبان لوحدها بدل ما تستنى العميل يتصل: حالة الشحنة بتيجي من الشركة بتاريخ كل خطوة، فالأوردر اللي واقف من غير حركة بيظهر في قايمة لوحده. والتعويضات بتتسجّل وتتصدّر عشان تطالب بيها بمستند مش بذاكرة.
الشحن بيدخل في حساب الربح إزاي؟
بتكلفة الشحن المسجّلة على كل أوردر، مش برقم موحّد. الأوردر المرتجع بيتكلّف شحن مرتين وبيرجّع صفر إيراد، فمتوسط تكلفة الشحن على الأوردرات المسلَّمة بس بيدّي رقم متفائل. تقرير صافي الربح بيخصم شحن الأوردرات المسلّمة في بند، وشحن الأوردرات اللي رجعت أو فشلت في بند تاني.
بيشتغل في كل محافظات مصر؟
التغطية بتاعة شركة الشحن نفسها مش بتاعة النظام. اللي النظام بيعمله إنه يقرا مناطق تغطية كل شركة ويقولك المنطقة دي مخدومة ولا لأ قبل ما تشحن، ويوفّق العنوان على المحافظة الصح عشان التسعيرة والتغطية يتحسبوا على المكان الحقيقي.
آخر تحديث للصفحة · تحرير فريق ربحني
جرّبه على شحناتك انت
14 يوم تجربة بعد التفعيل على باقتي البداية والنمو، من غير كريدت كارد، على أوردراتك وشركات الشحن اللي بتشتغل معاها فعلًا.