ربط ووكومرس بربحني
أوردرات متجرك على ووكومرس بتدخل ربحني لوحدها أول ما العميل يطلب، وتمشي من هناك للتأكيد والشحن والتحصيل. الربط في اتجاه واحد، فاقرا الحدود قبل ما تبني شغلك عليه.
| بيدخل ربحني | الأوردرات الجديدة، وحالة الدفع (مدفوع أو غير مدفوع) لما الأوردر يتحدّث |
|---|---|
| بيخرج من ربحني | ولا حاجة |
| مش بيتزامن | الكميات، وحالة الأوردر، ورقم الشحنة، وأي تعديل تاني على الأوردر |
ربط ووكومرس بربحني بيعمل إيه؟
ربط ووكومرس بربحني بيخلّي كل أوردر جديد على متجر ووردبريس بتاعك يدخل ربحني لوحده بويب هوك موقّع بكلمة سر إنت بتختارها. من جوه ربحني الأوردر بيتأكد ويتشحن ويتتابع لحد التحصيل أو المرتجع. ربحني مش بيرجّع لووكومرس كميات ولا حالة أوردر ولا رقم شحنة.
خطوات ربط ووكومرس
- في ربحني افتح الإعدادات ثم الربط، وعلى كارت ووكومرس هتلاقي روابط الويب هوك الخاصة بمتجرك: رابط للأوردر الجديد، ورابط لتحديث الأوردر، ورابط للمنتجات.
- في لوحة ووردبريس روح على WooCommerce ثم Settings ثم Advanced ثم Webhooks.
- اعمل ويب هوك لحدث Order created، والزق رابط الأوردر الجديد في خانة Delivery URL.
- اعمل ويب هوك تاني لحدث Order updated، والزق رابط تحديث الأوردر.
- اعمل ويب هوك لحدث Product created وتاني لـ Product updated، والاتنين على رابط المنتجات.
- اختار كلمة سر واحدة وحطها في خانة Secret في كل الويب هوكس، وفي خانة مفتاح الويب هوك في ربحني، وحط رابط موقعك في خانة رابط المتجر.
الأوردر بعد ما يدخل من ووكومرس
مطابقة المنتجات
كل سطر في الأوردر بيتطابق مع منتجك في ربحني بكود الـSKU، فلازم المنتج يكون متسجّل في ربحني بنفس الكود.
حالة الدفع
لما الأوردر يتحدّث على ووكومرس، التحديث بيغيّر حالة الدفع بس في ربحني: مدفوع لو فيه تاريخ دفع، وغير مدفوع لو مفيش. باقي التعديلات مش بتتنقل.
الأوردر المتكرر
لو ووكومرس بعت نفس الأوردر مرتين، ربحني بيعرفه ومش بيعمله أوردر جديد.
الحدود اللي لازم تعرفها
ربحني مش بيحدّث الكميات على ووكومرس. الكمية الفعلية بتتحسب جوه ربحني بس.
حالة الأوردر ورقم الشحنة مش بيرجعوا لووكومرس.
الربط بويب هوكس ووكومرس نفسها، ومفيش بلجن بيتثبت على ووردبريس.
شوبيفاي وووكومرس مينفعوش يبقوا متوصلين مع بعض على نفس الحساب.
أسئلة شائعة عن ربط ووكومرس
أربط ووكومرس بشركة شحن إزاي؟
عن طريق ربحني في النص: أوردرات ووكومرس بتدخل ربحني بالويب هوك، وبعد التأكيد ربحني بيعمل الشحنة على حسابك عند شركة الشحن، زي بوسطة، وبيستقبل حالتها والتحصيل.
محتاج بلجن على ووردبريس؟
لأ. الربط بأربع ويب هوكس من WooCommerce ثم Settings ثم Advanced ثم Webhooks، بكلمة سر واحدة بتحطها هناك وفي ربحني.
الأوردرات القديمة على ووكومرس بتدخل؟
الويب هوك بيبعت الأوردرات اللي بتتعمل بعد الربط. الأوردرات اللي قبله مش بتدخل لوحدها.
ربط ووكومرس في أنهي باقة؟
كل الباقات فيها ربط متجر. باقة البداية فيها ربط متجر واحد، وباقة النمو وطالع فيها كل المتاجر.
آخر تحديث للصفحة