إدارة المرتجعات للمتاجر الإلكترونية

مرتجع قيد المراجعة

لما بوسطة تبلّغ إن الطرد اترجع للتاجر، الأوردر بيتحول لوحده لـ«مرتجع قيد المراجعة» والمخزن بيوصله إشعار. وفريقك يقدر يحوّل الأوردر للحالة دي بإيده لأي شركة شحن تانية.

تذكير لو الطرد ماتعملوش سكان

بعد 24 ساعة النظام بيفكّر المخزن، لحد 3 مرات بينهم مسافة. بعد 7 أيام بيفتح مشكلة بأولوية عالية. عمره ما بيقفل المرتجع لوحده، عشان تفضل تقدر تطالب شركة الشحن لو الطرد ماوصلش فعلًا.

استلام دفعة من مندوب بوسطة

المخزن بيفتح دفعة بعدد الطرود، ويعمل سكان لكل طرد على الباب قدام المندوب، ويقدر يرجع في آخر سكان أو يغيّر حالة الطرد. مفيش أي أثر على الرصيد لحد ما الدفعة تتقفل، واللي مش مقبول بيرجع مع المندوب.

مطابقة مرتجعات بوسطة

شاشة بتقارن اللي بوسطة قالت إنها سلّمته باللي المخزن عمله سكان فعلًا. الطرد الناقص بتستلمه لو لقيته، أو بتعلّمه «مش في المخزن» وبيتفتح عليه مطالبة.

حالة لكل قطعة

كل سطر بيتسجل سليم أو تالف أو ناقص. ومش هينفع تقفل الاستلام على قطعة تالفة أو ناقصة من غير ما تحدد مصيرها: خسارة، أو تعويض من شركة الشحن، أو تعويض من المورد.

السليم بس بيرجع، وبسقف

الرصيد بيزيد بالقطع السليمة بس، ومش أكتر من اللي الشحنة خصمته فعلًا. الباكدج بيرجع لمكوناته نفسها. والاستلام مرتين لنفس الأوردر بيترفض حتى لو شاشتين حاولوا في نفس اللحظة.

المرتجع بيخدم الأوردرات المستنية

لما القطعة السليمة ترجع الرصيد، النظام بيراجع الأوردرات «المحجوزة» الأقدم فالأحدث. الأوردر اللي كل سطوره بقت متوفرة بيتأكد لوحده.

القطعة القديمة في الاستبدال

في الاستبدال الأوردر بيفضل «اتسلّم»، والموظف بيختار المنتج والمقاس اللي رجعوا. السليم بيرجع الرف، والتالف بيتشطب، والناقص بيبقى مطالبة على شركة الشحن.

قايمة أسباب خاصة بيك

من الإعدادات بتجهّز أسباب المرتجع بصياغتك، جنب أسباب الإلغاء والفشل، بدل ما نفس السبب يتكتب بخمس طرق.

السبب مع الاستلام

المخزن يقدر يسجّل سبب وملاحظات وقت السكان، وبيتحفظ مع كل سطر مرتجع جنب مين استلمه وإمتى.

سجل كل استلام

كل استلام بيكتب في سجل الأوردر عدد السليم والتالف والناقص والسبب ومين عمله.

مطالبة شركة الشحن بتتفتح لوحدها

قطعة تالفة أو ناقصة بمصير «تعويض شركة الشحن» بتفتح مطالبة، بمطالبة مفتوحة واحدة لكل أوردر. ولو الطرد اتلقى سليم بعد مطالبة «ضايع»، المطالبة بتتسحب.

موعد نهائي لكل مطالبة

كل مطالبة ليها مهلة من تاريخ البلاغ على حسب شركة الشحن: 14 يوم لبوسطة، و14 يوم افتراضي لأي شركة تانية. مركز التعويضات بيجمّعها لكل شركة وبيصدّرها xlsx أو csv أو pdf.

تسوية بأربع نتايج

مطالبات المرتجع بتتقفل بواحدة من أربع: بضاعة بديلة، فلوس كاملة، فلوس جزئية والباقي خسارة، أو رفض والمبلغ كله خسارة. الشاشة في المحاسبة من باقة النمو، وكل نتيجة بتعمل قيدها.

قيد مع الاستلام مش بعده

قيود الخسارة والمطالبة بتتسجل بتكلفة المتوسط المرجح جوه نفس عملية الاستلام. لو القيد فشل، الاستلام كله بيتلغي. والمرتجع اللي ماوصلش للعميل وهيرجع الرف مش بيعمل قيد ربح وهمي.

استلام الدفعة ومطابقة المرتجعات شغالين مع بوسطة بس. باقي شركات الشحن بتستلم مرتجعاتها بالسكان طرد طرد.

مفيش بوابة يطلب منها العميل المرتجع بنفسه: المرتجع بيبدأ من شركة الشحن أو فريقك.

السبب مش إجباري وقت الاستلام، فدقة تقرير الأسباب من التزام فريقك بتسجيلها.

سؤال العميل عن سبب المرتجع على واتساب لسه تجربة محدودة، مش متاح لكل الحسابات.

إزاي أدير مرتجعات المتجر الإلكتروني؟

في ربحني الأوردر الراجع بيدخل «مرتجع قيد المراجعة»، والمخزن بيعمل سكان للطرد، ويحدد كل قطعة سليمة أو تالفة أو ناقصة. السليم بيرجع الرصيد، والتالف أو الناقص بيتسجل خسارة أو مطالبة. بعد 24 ساعة من غير سكان بيوصل تذكير، وبعد 7 أيام بتتفتح مشكلة.

المرتجع بيرجع للمخزون لوحده؟

لأ، مش من غير سكان. في ربحني الرصيد مش بيتغير لحد ما المخزن يستلم الطرد فعلًا، والقطع السليمة بس هي اللي بترجع، ومش أكتر من اللي الشحنة خصمته. وعند الاستلام، الأوردرات المحجوزة بتتراجع الأقدم فالأحدث وبتتأكد لو كملت.

أعمل إيه في القطعة التالفة أو الناقصة في المرتجع؟

في ربحني لازم تحدد مصيرها قبل الاستلام: خسارة، أو تعويض من شركة الشحن، أو تعويض من المورد. مش بترجع الرصيد في أي حالة. والتعويض بيفتح مطالبة بتتسوّى ببضاعة بديلة أو فلوس كاملة أو جزئية أو برفض.

أعرف منين شركة الشحن رجّعت كل الطرود ولا لأ؟

مع بوسطة، ربحني عنده شاشة مطابقة بتقارن تسليمات بوسطة بسكانات المخزن وبتطلع الطرد الناقص. بتستلمه لو لقيته، أو بتعلّمه «مش في المخزن» فتتفتح مطالبة. مع باقي الشركات، اللي عندك حالة «مرتجع قيد المراجعة» وتذكيرات المخزن، من غير شاشة مطابقة.

إزاي أطالب شركة الشحن بتعويض عن مرتجع؟

في ربحني القطعة التالفة أو الناقصة بمصير «تعويض شركة الشحن» بتفتح مطالبة لوحدها، بموعد نهائي: 14 يوم لبوسطة و14 يوم افتراضي لغيرها. مركز التعويضات بيجمّع المطالبات لكل شركة وبيصدّرها xlsx أو csv أو pdf، وإنت بتقدمها لشركة الشحن.

أعرف أسباب المرتجعات منين؟

في ربحني بتجهّز قايمة أسباب من الإعدادات، والمخزن يقدر يسجّل السبب وقت السكان، والسبب بيظهر جنب حالة الطلب في قايمة الطلبات. السبب مش إجباري عند الاستلام، فالدقة من التزام الفريق.

المرتجع بيأثر على الحسابات والمكسب إزاي؟

في ربحني الخسارة والمطالبة بيتسجلوا بقيد بتكلفة المتوسط المرجح جوه نفس عملية الاستلام، ولو القيد فشل الاستلام كله بيتلغي. والمرتجع السليم اللي ماوصلش للعميل مش بيعمل قيد، لأن تكلفته ماتسجلتش أصلًا. تسوية المطالبات في المحاسبة من باقة النمو.